- Na sesión científica “O común das enfermidades raras” participaron a directora sociosanitaria de FEGEREC, Carmen López; o catedrático de Medicina Legal da USC e académico da RAFG, Ángel Carracedo, e a xefa do Servizo de Farmacia Hospitalaria do CHUS, Irene Zarra.
- O acto tivo lugar o mércores 18 de marzo no Salón de Graos da Facultade de Farmacia e estivo moderado pola profesora Carmen Álvarez Lorenzo, secretaria da RAFG.
- Puido seguirse en directo a través da canle de YouTube da USC (https://www.youtube.com/live/0kDyGHOfigw).
Santiago de Compostela, 17 de marzo de 2026.- A Real Academia de Farmacia de Galicia, en colaboración coa Federación Galega de Enfermidades Raras e Crónicas (FEGEREC), organizou o mércores 18 de marzo na Facultade de Farmacia da Universidade de Santiago de Compostela a sesión científica “O común das enfermidades raras”, un encontro que reuniu a representantes de pacientes, expertos en investigación biomédica e profesionais farmacéuticos. A xornada puxo especial atención nos avances sociosanitarios, científicos e terapéuticos que estaban a contribuír a mellorar o diagnóstico, o tratamento e a atención integral das persoas con enfermidades raras.
A sesión comezou ás 19:00 horas coa intervención de Carmen López, directora sociosanitaria de FEGEREC, quen falou sobre “Que é unha enfermidade rara e como afecta ás persoas pacientes”. A súa intervención abriu o encontro destacando a importancia de incorporar a voz das persoas pacientes na investigación e no desenvolvemento de estratexias asistenciais. A continuación, o catedrático de Medicina Legal da USC e académico da RAFG, Ángel Carracedo, abordou os “Aspectos xenéticos e a detección das enfermidades raras”. Pechou a sesión Irene Zarra, xefa do Servizo de Farmacia Hospitalaria do CHUS, quen analizou as “Ferramentas farmacoterapéuticas nas enfermidades raras”.
A sesión foi moderada por Carmen Álvarez Lorenzo, catedrática de Farmacia e Tecnoloxía Farmacéutica e académica secretaria da Real Academia de Farmacia de Galicia, e puido seguirse tamén en directo a través da canle de YouTube da RAFG mediante a ligazón: https://www.youtube.com/live/0kDyGHOfigw.
