A Real Academia de Farmacia de Galicia celebrará o luns, 20 de novembro, ás 19 horas, na súa sede do Antigo Hospital de San Roque de Santiago de Compostela, o ingreso como Académico Correspondente do Dr. Oriol Valls Planells. No transcurso do acto protocolario pronunciará o discurso de ingreso titulado “As cargas electrostáticas medioambientais e a saúde, metereosensibilidade”. A presentación correrá a cargo do Académico de Número Emérito Ilmo. Dr. D. José Miñones Trillo.